Budinel avri leperno than 2009 - 2010

Ňilajeste andro berš 2009 sar o Leperno Lidice skidelas o leperno than andro Lety, has pro leperno than žulovo trušul ak. maľaristar Zdeněk Hůla "Manušenge so mule andro romano interačno taboris andro Lety", pravoslavno kaštuno kerestos the informačno tabuľa oleha so pes ačhiľas andro romano taboris andro berša 1942–1943.

Leperno than has pratimen gaveha Lety ča čepo, nekbuter anglal leperno sgeľipen majoste the jejsone. Čhingerde tele e čar u varekana katrinde náleti. Pro leperno bar the aver bara pes kerenas mechi the mocarisi.

Na dur leperno than has provizorno parkoviskos, phundrade droma buchle 2,5 dži 3,5 metri has ča zazoralde u phirelas perdal nekbuter ča vešutňi technika manušendar so len hin na dur o veša. Pro phundrado drom khatar e Praha ko Milevsko hine ča duj cikne kalo parne tabuľi le naveha Leperno Lety. Pro than severis kahatar e baľičaňi stajňa pro than kaj has phundrado drom andro interačno taboris hin thoďi informačno tabuľa le kipociha čačikano letsko taboriha.

Žulovo trušul ak. maľaristar Zdeněk Hůla "Manušenge so mule andro romano interačno taboris andro Lety" Pravoslavno kaštuno kerestos Informačno tabuľa oleha so pes ačhiľas andro romano taboris Jekh baruno obeliskos

Leperno Lidice ačhiľas te sajinel pal o leperno than oleha, hoj diňas te kerel projektova študija pre prekeriben leperno than the leskero pašaľipen the phundrado drom u diňas vak keci varianti. Pal o vakeribena pro Urjados rajariben andre pracovno grupa has ilo jekh navrhos. Paľis has kerďi prejektovo dokumentacija vaš o themutno the ačhavibnaskero gejľipen. Tiž has kerdo geodeticko merišagos thana the dromen so kampenas kije realizácija u kije lengero odciningišagos khatar o OÚ Lety, Orlík the Králova Lhota.

Prithodo rješišagos:

  • Akanaskero phundrado drom maškar drom n. 19 u kherutno drom ela prikerďi the buchľarďi pro 3,5 m pre jekh serutno phiriben. Paš o bonďalipen kijo leperno than ela parkoviskos la točnaha anglal 3 autobusi the 10 motora. Na dur parkoviskoke ena duj cikne montovimen objekti sar e repliki čačutne „kheren“ la expozicijaha the le budarenca.
  • Pre južno sera anglal o leperno than ela kerdo cikno ovalno phuvakero than. Adro ovalos ela kerdo cikno heďos savo thovela pre sera la maľa la lenaha khatar o leperno than u tiš šegetinela te kerel bešiben pro heďos sar te bi sanas andro cikno phuvakero amfiteátros. Pre plajis avena duj neve kašta (lipi), aver zeleň thovela pre sera pašutno zavodos.
  • Tiž kamas te kerel sikhľuvakere droma andal o gav Lety dži pro parkoviskos. Pro drom avena thode informačne tabuľa le textoha pal o romano murdaripen. Informačne tabuľa avena thode, odoj kaj vareso čačes has.
  • Korkoro leperno than maškar e čar the pratimen trušul, ačhela sa avka.
  • Zazorardo than prikerde pundrade dromeha hin prithoďi andal o asfaltovo raciklatos, bonďalipnaskero than the parkoviskos asfaltostar. Sikhľuvakere droma hine prithode sar poši cikne barorenca.
  • O fali avena kerde andal o veša paňa bar u lavki pre lengere koruni ena andal o zoralo kašt.
  • Prithode objekti provozno the technicko than pes rješinena sar kaštune stavbi la oplašťena fošnovo konstrukcijaha. Ena prithode pro paňi the elektrika, melalo paňi ena chudle andre ľidžandutne gona, brišindaskero paňi pes zapijela andro na zazorarde upruna. Prithoďi elektrika the paňi ela tiž dži pro parkoviskos.

Dinimo:

 

Realizacija pes čačikanes duminel andro januáris – majos 2010. Mušinas te dikhle pro čiros projektovo kisitiben the pro priáčhiben, odcinel o funduši the podminki manušengero kheliben pro manuša so dodena ačhavibnaskere kotera.